هدا واحد السكران كي دور في الدرب بالليل و كيقول: وناري لي خرج ليا نشدوا نقسموا على زوج, هو يخرج ليه واحد الراجل صحيح و يقوليه : مالك مصدعنا هداك أه, هو يبدا السكران كيقول: واخرجوا هاحنا ولينا زوج

 

2- هدا واحد السيد طالع في واحد العقبة ببشكليتو كيبيدر وكيقول : أمولاي بوعزة, أ مولاي براهيم , أ مولاي بوشعيب, ........... ألمهم دكر جميع الأولية. و ملي بدا نازل في القبة هو يبدا نازل بالزربة هو يتلفت اللور وقال: غير واحد لي يدفع بلا ما دفعوا كاملين

 

3- هدا واحد السيد شرى لمو  ’ ف س د ’ و الفيلم ديال صلاح الدين الأيوبي, و هي تبقى مو كتفرج في هداك الفيلم يوميا حتى حفضاتو, واحد النهار كتفرج فيه هو يشوفها صلاح الدين الأيوبي هو يقوليها سلام مي فاطنة

 

4- هدا واحد المفتش جا لواحد القسم هو يريح اللور حدا واحد الكسول و بدا كيسلم عليه, ملي مشى المفتش سولوا المعلم :فين كتعرف هد المفتش قاليه قاري معايا

 

5- هدا واحد المفتش جا لواحد القسم هو يريح اللور حدا واحد الكسول , هو يسولهم المفتش واحد السؤال حتى واحد معرف ليه هو يتلفت في هداك الكسول هو يقوليه الكسول زيرناهم

 

6- هدا واحد المعلم ملي وصل العيد الكبير شرا 365 ميكة ديال اللحم

 

7- هدا واحد البوايسي وقف واحد مول طوموبيل و قاليه فين سمطة؟ قاليه خليتها في سروال لاخر

 

8- هدا واحد السوسي ناض في الصباح حل الحانوت هو يلقاه مشفرو كامل هو يرجع ينعس و قال: تفو على حلمة

 

9- هدا واحد دري مشى عند باه و قاليه عطيني 20 درهم باش ندور قاليه باه هاكا 2 دراهم او سير نيشان

 

10- هدا قاليك واحد البركاني ختارع قنبلة نووية هما يجيو عندوا قالو ليه غادي نجربوها في الصحرا أولا في الجبل ... قاليهم : أسيدي تختارعت في بركان نجربوها في بركان

 

11- هادا واحد الدري بغا يصحاب واحد البنت قاليها واش عندك ل msn قالتليه لا عندنا vsd

 

12- جوج بنات غاديين ، واحد سكران خسر معاهم الهدرة ، حشمو ، واحدة ولات حمرة ، و الخرى ولات زرقا

 

13- هدا واحد الميكانيسيان شرا ناموسية هو ينعس تحتها

 

14- هدا واحد السيد   جا سكران لدارو بالليل دق الباب هي تحل عليه مراتو هو يسمكها قاليها: فين بقيتي حتى لهاد الوقت

 

15- هدا واحد الدري صغير مشى لعند مول الحانوت قاليه: واش عندك السكر, قاليه مول الحانوت: عندي, قاليه الدري: الله يشافيك   (هد الدري هو أنا ملي كنت صغير)

 

16- هدا واحد الدري صغير مشى لعند مول الحانوت قاليه: واش عندك سيدي علي, قاليه مول الحانوت: عندي, قاليه الدري: قوليه يتكلم لمو راها بغاتو   (هد الدري هو أنا ملي كنت صغير)

 

17- هدا مسمار تزوج بمسمارة هما يولدوا بنيز

 

18- هدا واحد السوسي حاط شي فلوس في البنك, كيخلي البنك حتى كيسد و كيمشي يزيد قفل للباب ديال البنك

 

19- هدي واحد البنت في الباك مشات عند شوافة قالت ليها: شوفي ليا واش غادي ناخد الباك, قالت ليها غادي تاخديه ولكين ما غاديش تولدي معاه

 

20- هدا واحد السيد مشى يخطب وحدة سميتها نزهة, مشى عند باها قاليه: باغي نزهة, قاليه باها سير زها مع مك

 

21- هدا واحد السيد كيبيع الدجاج, واحد النهار جات عندوا لجنة ديال التفتيش, قالو ليه: أشنو كتوكل هد الدجاج , قاليهم: كنوكلهم القمح, هما يسلخوه قالو ليه الناس كيموتو بالجوع و انت كتوكل القمح لدجاج , جاو عندوا للمرة التانية, قالوا ليه أشنو كتوكل هد الدجاج : قاليهم الزبل,  هما يسلخوه قالو ليه باغي تمرض الناس, جاو عندو لتالت مرة قالو ليه أشنو كتوكل هد الدجاج: قاليهم كنعطيهم الفلوس يشريو لي بغاو ياكلوا

 

22 - هذا واحد االسوسي ساكن في المحلبة، ولدو بات بلا عشاء ، قال ليه أبا فيا الجوع ، باه هز الريدو وقال ليه: شوف الحوانت كلهم سادين

 

23 - قالك واحد الواحد مكلخ مشا لبحر وخاف يعوم فيه جا عاندو واحد قاليه: نبيع لك سطل ب 5 دراهم ,قاليه واخا بقا كيبيع ليه تا تفلس رجع فالليل لقا البحر هارب وهو يقول فخاطروا: والناس بايعين وشارين مع راسهم

 

24-  هدا واحد السوسي جاب لموتو 2 بيضات , قاليها: وحدا ديريها في العشا , قالت ليه أو لخرى, قاليها: أراك لحلوى و الكيكا....

 

25- هدا واحد غادي وكيطلب الله كيقول : ياربي ندخل إيدي في جيبي أو نلقى 20 درهم, دخل إيدوا في جيبوا لقاه متقوب هو يرجع يقلب على 20 درهم